مشاعر

مثلك بـلا مبـدأ بفعلـه وقولـه =




لا وازع ٍ ديني ولا عِـرف عِقـال



رجال لكن منت حـول الرجولـه =



حرام مثلك يلبـس شمـاغ وعقـال



بس البلا إنك من سلايـل حمولـه =



مثلتها بالشين مـن قـول وافعـال



حلم العصافير الصغيـره وزولـه =



زول البغال اللي لهـا قيـد وحبـال



مثلـك عرفنـا مبتغـاه وميولـه =



. شكواي لله في ضعيفيـن الآمـال



قهري على مثلك صعيب ٍ وصوله =



قومي هل الطولات أجاويد وابطـال



لي في بحور الشعر صوله وجوله =



مثلي غدت بالشعر مضرب للأمثال



أكتب قصيد ٍ عذب واعرف اصوله =



رطباً طرياً يانعـاً يشـرح البـال



مدهش ومنعش ينعش اللي يقولـه =



سهلا ً بسيطا ً صافيـا ً كنـه إزلال



وأنته قصيدك ما نهض من خموله =



مير الصحافه دورها حيـل فعّـال



ماني من اللي تنهـزم بالسهولـه =



اقوى من الصخرات وأقسى من جبال



وإذا على بنت إنتصارك بطولـه =



يا فرحة أمك جابت اليـوم رجّـال