مشاعر

الحب شايب والفراق ابنـه العـاق


والوصل غايه والقصايـد وسيلـه

اثر المفارق له علاقـه بالاخـلاق

ويقصر طويله صدر راعي الطويله,,

مافيه اشرّ من الهواوي ليا ضـاق

من ضيقته حتى البزر يشتكي لـه

ياللي غضبت وكانت حلولك فـراق

الغيـض ولعـه والمجـادل فتيلـه

لو شفت وش قيمة غرامك بالاعماق

ماطعت لـو لامـوك فينـي قبيلـه

ماهو تضيّق صدرك وتركز السـاق

كنّي كفـرت وقاتـل ٍ لـي قتيلـه

وانا احسبنك طيّب وقلبـك رقـاق

يامدرّس فنـون القسـاوه لجيلـه

رح والشقا على الهواجس والاوراق

ياللي عقب فرقـاه شوقـه بديلـه

اشتاق وادري مانت راجع لو اشتاق

مير العوض بالذكريـات الجميلـه